Fljótlega varð stöðin mikilvægur hluti samfélagsins – þar sem ekki aðeins var rekin leigubílastöð, heldur einnig verslun, bensínstöð, smurstöð, þvottastöð og útibú á Keflavíkurflugvelli. Á sínum tíma voru allt að 50 bílar í akstri undir merkjum Aðalstöðvarinnar.

A-Stöðin var stofnuð þann 1. maí 2007 af fyrrum bílstjórum Aðalbíla í Keflavík og Bifreiðastöðvar Hafnarfjarðar. Í dag eru eigendur stöðvarinnar 33 bílstjórar – flestir starfandi á A-Stöðinni – sem saman byggja á traustri reynslu og sterkum grunni. Þrátt fyrir nýja tíma og nýtt nafn, eiga bílstjórar stöðvarinnar rætur sínar að rekja allt aftur til 1948 – og sú arfleifð lifir áfram í þjónustunni sem við veitum í dag.